| ಧ್ವನಿ > ಯೋಜನೆಗಳು > ಆರ೦ಭ |
| ಆರ೦ಭ ಆರಂಭ ಯೋಜನೆಯು ಪ್ರಸಕ್ತ ಶೈಕ್ಷಣಿಕ ವರ್ಷದಲ್ಲಿ ಅನುಷ್ಠಾನಗೊಳ್ಳಲಿದೆ. ಇದು ೪ ವರ್ಷಗಳ ಅವಧಿಯ ಒಂದು ಯೋಜನೆ. ಇದರ ಮುಖ್ಯ ಗಮನ ಕಿರಿಯ ಪ್ರಾಥಮಿಕ ಶಾಲಾ ಶಿಕ್ಷಕರು ಮತ್ತು ಮಕ್ಕಳು. ಈ ಹಂತದಲ್ಲಿ ಪರಿಸರ ಅಧ್ಯಯನ ಮತ್ತು ಕನ್ನಡ ಭಾಷಾ ವಿಷಯಗಳಿಗೆ ಸಂಬಂಧಿಸಿದಂತೆ ಬೋಧನಾ ವಿಧಾನ ಮತ್ತು ಬೋಧನಾ ಸಾಮಗ್ರಿಗಳನ್ನು ಪೂರೈಸುವುದು, ತರಬೇತಿ ನೀಡುವುದು ಈ ಯೋಜನೆ ಮುಖ್ಯ ಉದ್ದೇಶ. ಯೋಜನೆಯ ವ್ಯಾಪ್ತಿ:ಸರಕಾರಿ ಹಾಗೂ ಖಾಸಗಿ ಒಡೆತನದ ಒಟ್ಟು ೬ ಶಾಲೆಗಳನ್ನು ಆರಂಭ ಯೋಜನೆಗಾಗಿ ಆಯ್ದುಕೊಳ್ಳಲಾಗಿದೆ. ಇವೆಲ್ಲವೂ ಕನ್ನಡ ಮಾಧ್ಯಮ ಶಾಲೆಗಳು. ಈ ಯೋಜನೆಯು ಸುಮಾರು ೫೦೦ ಮಕ್ಕಳು ಮತ್ತು ಮತ್ತು ೧೨ ಜನ ಶಿಕ್ಷಕರಿಗೆ ಪ್ರಸಕ್ತ ವರ್ಷದಲ್ಲಿ ತಲುಪಲಿದೆ. ಪ್ರತಿವರ್ಷ ಆರಂಭ ಯೋಜನೆಯು ಮುಂದಿನ ತರಗತಿಗಳನ್ನು ಒಳಗೊಳ್ಳುತ್ತ ಮುಂದುವರೆಯುತ್ತದೆ. ಉದಾ: ೨೦೦೭-೦೮ರಲ್ಲಿ ಆರಂಭವು ೧ ಮತ್ತು ೨ ನೇ ತರಗತಿಗಳನ್ನು ಒಳಗೊಳ್ಳುವುದು. ಇದೇ ಕ್ರಮದಲ್ಲಿ ಭವಿಷ್ಯದ ವರ್ಷಗಳಲ್ಲಿ ಯೋಜನೆ ವಿಸ್ತಾರಗೊಳ್ಳುತ್ತ ಹೋಗುವುದು.ಯೋಜನೆಯ ವಿನ್ಯಾಸಆರಂಭ ಯೋಜನೆಯು ಪೂರಣ ಯೋಜನೆಯ ಸ್ವರೂಪವನ್ನು ಬಹುಮಟ್ಟಿಗೆ ಹೋಲುತ್ತದೆ. ಒಂದೇ ಪ್ರಮುಖ ವ್ಯತ್ಯಾಸವೆಂದರೆ, ಮಕ್ಕಳ ವಯೋಮಾನಕ್ಕೆ ತಕ್ಕಂತೆ ಈ ಯೋಜನೆಯ ವಸ್ತು ಸಾಮಗ್ರಿ ವಿನ್ಯಾಸದಲ್ಲಿ ಬದಲಾವಣೆಗಳು ಇರುತ್ತವೆ. ಇಲ್ಲಿಯೂ ಒಂದು ದಿನದ ತರಬೇತಿ ಶೈಕ್ಷಣಿಕ ವರ್ಷದ ಆರಂಭದಲ್ಲಿದ್ದು, ಕೊನೆಯಲ್ಲಿ ಸಾಮೂಹಿಕ ಹಿಮ್ಮಾಹಿತಿ ಸಭೆ ಇದ್ದೇ ಇರುತ್ತದೆ.ಸಾಮಗ್ರಿ ಸ್ವರೂಪ:ಪಠ್ಯಪುಸ್ತಕದಲ್ಲಿ ಸೂಚಿತವಾಗಿರುವ ಹಾಗೂ ಧ್ವನಿಯು ವಿನ್ಯಾಸಗೊಳಿಸಿರುವ ಚಟುವಟಿಕೆಗಳನ್ನು ನಡೆಸಲು ಸಹಾಯಕವಾಗುವ ಸಾಮಗ್ರಿ ಇದರಲ್ಲಿರುತ್ತವೆ. ಮಕ್ಕಳು ಪಾಠದಲ್ಲಿನ ಕಲಿಕಾ ಅಂಶಗಳನ್ನು ಅರ್ಥಮಾಡಿಕೊಂಡು ಅವರ ಮನೋವಿಕಾಸಕ್ಕೆ ಅನುವಾಗುವ ಹಾಗೆ ಇರುತ್ತದೆ. ಅದೇ ವೇಳೆ, ಶಿಕ್ಷಕರು ತಮ್ಮ ವಿಷಯ ಜ್ಞಾನವನ್ನು ಹೆಚ್ಚಿಸಿಕೊಳ್ಳಲು ಈ ಸಾಮಗ್ರಿ ಸಹಾಯ ಒದಗಿಸುತ್ತದೆ. ಪ್ರತಿ ತಿಂಗಳ ಆರಂಭ ಸಾಮಗ್ರಿಯು ಹೀಗಿರುತ್ತದೆ:
|