2006-07ರಲ್ಲಿ ಪ್ರಾರಂಭವಾದ ಆರಂಭ ಯೋಜನೆಯು ಇಲ್ಲಿಯವರೆಗೂ ಮುಂದುವರೆದಿದೆ. ಈ ಯೋಜನೆಯು  ಕಿರಿಯ ಪ್ರಾಥಮಿಕ ಶಾಲಾಶಿಕ್ಷಣ ಹಂತದ ಮಕ್ಕಳು ಮತ್ತು ಶಿಕ್ಷಕರನ್ನು ಒಳಗೊಳ್ಳುತ್ತದೆ. ಇದರಲ್ಲಿ ಕನ್ನಡ ಭಾಷೆ, ಪರಿಸರ ವಿಜ್ಞಾನ, ಚಿತ್ರಕಲೆ ಮುಂತಾದ  ವಿಷಯಗಳಿಗೆ ಪೂರಕವಾಗುವ ಸಂಪನ್ಮೂಲಗಳು ಹಾಗೂ ವಿಧಾನಗಳ  ವಿನ್ಯಾಸಗೊಳಿಸಲಾಗುತ್ತಿದೆ.

​

2004-05ರಲ್ಲಿ ಪ್ರಾರಂಭವಾಗಿ ಇದುವರೆಗೂ ಮುಂದುವರೆಯುತ್ತಿದೆ. ಈ ಯೋಜನೆಯು ಹಿರಿಯ ಪ್ರಾಥಮಿಕ ಹಂತದ  5, 6, 7ನೇ ತರಗತಿಗಳಿಗಾಗಿ ರೂಪಿತವಾಗಿದ್ದು, ಕರ್ನಾಟಕ ರಾಜ್ಯ ಶಿಕ್ಷಣ ಇಲಾಖೆಯ ಪಠ್ಯಕ್ರಮವನ್ನು ಆಧರಿಸಿದೆ. ಸದ್ಯಕ್ಕೆ ಧ್ವನಿ ಸಂಸ್ಥೆಯು ಕನ್ನಡ ಹಾಗೂ ಸಮಾಜ ವಿಜ್ಞಾನ ವಿಷಯಗಳ ಪೂರಕ ಸಂಪನ್ಮೂಲಗಳನ್ನು ಸೃಷ್ಟಿಸುವ ಕೆಲಸದಲ್ಲಿ ತೊಡಗಿಕೊಂಡಿದೆ.

ಚಿತ್ರಣ ಯೋಜನೆಯಡಿ ಧ್ವನಿ ಬಳಗ ಸ್ವತಃ ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಮಹತ್ವದ ಸ್ಥಳಗಳಿಗೆ ಪ್ರವಾಸ ಮಾಡಿ, ಅಲ್ಲಿಯ ಸ್ಥಳ ವೀಕ್ಷಣೆಯನ್ನು ಕೂಲಂಕಷವಾಗಿ ಕೈಗೊಂಡು ಮತ್ತು ಶೋಧಿಸಿ ನೈಜವಾದ ಹಾಗೂ ನೇರವಾದ ಅನುಭವ ಪಡೆದುಕೊಳ್ಳುತ್ತದೆ. ಈ ಯೋಜನೆ 2004 ರಲ್ಲಿ ಪ್ರಾರಂಭವಾಗಿದೆ. ಕರ್ನಾಟಕದಲ್ಲಿನ ಬಹುತೇಕ ಪ್ರಮುಖ ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಸ್ಥಳಗಳಿಗೆ ನಾವು ಈಗಾಗಲೇ ಭೇಟಿ ನೀಡಿದ್ದೇವೆ.